rpjk;guk; jpUf;Nfhapypy; Njthuk; jpUthrfk; gbg;gjw;F tpjpj;j jil cilg;G

கெஞ்சினால் மிஞ்சுவார்கள் மிஞ்சினால் கெஞ்சுவார்கள்

சீடன் -  குருவே கெஞ்சினால் மிஞ்சுவார்கள் மிஞ்சினால் கெஞ்சுவார்கள் என்ற பழமொழியைக் கேட்டிருக்கிறீர்களா?

குரு - ஆமாம். கேட்டிருக்கிறேன். அதற்கு இப்போது என்ன அவசியம்?

சீடன் - அவசியம் இருக்கிறது குருவே!  தில்லைச்சிதம்பரம் கோயில் அம்பலத்தில் நின்று கொண்டு யாரும் தேவாரம், திருவாசகம் பாடக் கூடாது. பாடுபவர்கள் பூசை முடிந்த பின்னர் மகாமண்டபத்தில் நின்று மட்டும் தேவாரம் பாடலாம்!

குரு - அம்பலத்தில் நின்று தேவார - திருவாசகங்களைப் பாடினால் என்னவாம்? "அருச்சனை பாட்டேயாகும் ஆதலால் சொற்றமிழில் எமைப் பாடுக" என சிவனார் சொன்னதாகச் சேக்கிழார் பெரிய புராணத்தில் பாடியிருக்கிறாரே?

சீடன் - அதெல்லாம் சரிதான். சமயகுரவர்களில் ஒருவரான சுந்தரர் 'நாளும் இன்னிசையால் தமிழ் பரப்பும் ஞானசம்பந்தனுக்கு உலகவர்முன் தாளம் ஈந்தவன், பாடலுக்கு இரங்கும் தன்மையாளனை' என சம்பந்தரைச் சிறப்பிக்கிறார். தமிழிசை கேட்கும் ஆவலால் சிவன் ஞானசம்பந்தருக்கு பொற்தாளம் கொடுத்தான் என்கிறார். பிற்கால தாயுமானவரும் மொழிக்கு மொழி தித்திப்பாக  மூவர் சொலும் தமிழ் கேட்கும் முக்கண்ணன் திருச்செவிக்குத்  தனது தமிழ் வெறும் பிதற்றலா  என்று பாடி இருக்கிறார். .

'தேவரெல்லாம் தொழச்சிவந்த செந்தாள் முக்கண்
செங்கரும்பே! மொழிக்குமொழி தித்திப்பாக
மூவர்சொலும் தமிழ்கேட்கும் திருச்செவிக்கே
மூடனேன் புலம்பிய சொல் முற்றுமோதான்'

எனத் தாயுமானவர் பாடுகிறார்.

அறுபத்து மூன்று நாயன்மார்கள் பெருமை பேசும் பெரிய புராண நுõலை எழுத, "உலகெலாம்" என்று சேக்கிழார் பெருமானுக்கு தில்லைத் திருக்கூத்தனே அடியெடுத்துக் கொடுத்தானாம். . திருவாசகம், திருக்கோவையார் பாடல்களை மாணிக்கவாசகர் பாடத்தானே அவற்றை எழுதி, "திருச்சிற்றம்பலமுடையான்' என்று ஆடவல்லானே கைச்சாத்திட்டான் என்கிறார்கள்.  தேவாரப் பாடல்கள் தில்லைக் கோவிலிலிருந்து தான் முதலாவது இராசராசன் சூழ்ச்சி செய்து மீட்டெடுத்தானாம்.  "என்னை இறைவன் நன்றாகப் படைத்னன் தன்னை நன்றாகத் தமிழ் செய்யுமாறே' என்று இறைவனே தமிழில் தோத்திரம் செய்வதை விரும்புவர் என்று குறிப்பிடுகிறார்.

குரு -  நீ சொல்வது சரியென்றால் தில்லைச் தீட்சிதர்களுக்கு தேவார திருவாசகம் மீது ஏன் அப்படி ஒரு வெறுப்பு? 

சீடன் -   பிராமணர்களைப் பொறுத்தளவில் தேவார திருவாசகம் பண்டாரப் பாட்டுக்களாகும். அவற்றை ஓதும் பார்ப்பனர்களைப் பார்க்க முடியாது. எனவேதான் தேவார திருவாசகம் ஓதுவதற்கு ஓதுவார் என்ற புதிய சாதி உருவாக்கப்பட்டது. தில்லை ஆடலரசன் கோயில் அம்பலத்தில் (சைவர்களின் தாய்க் கோயில்) திருச்சிற்றம்பல மேடையில் நின்று தேவாரம், திருவாசகம், சிவபுராணம் பாட யாரையும் தில்லைவாழ் தீட்சிகர்கள் நேற்றுவரை  அனுமதிக்கவில்லை.  தேவார திருவாசகங்கள் திருமுறையில் சேர்க்கப்பட்டு, திருமுறைதான் சைவத்தின் அளவை (பிரமாணம்) என்று சைவர்கள் சிலர் உச்சி மீது வைத்து மெச்சினாலும், பிராமணர்களைப் பொறுத்தளவில் அவை பண்டாரப்பாட்டுக்கள்தான்!  இன்னொரு காரணமும் இருக்கிறது. ஏனைய கோவில்கள் போலல்லாது தில்லைச் சிதம்பரத்தில் ஆகம வழிபாட்டு முறைக்குப் பதில் வேதநெறி வழிபாட்டுமுறை இருக்கிறது. வேதநெறி வழிபாடு முழுக்க முழுக்க சமற்கிருதத்தில்தான் நடைபெற வேண்டும்.  மேலும் இந்தச் சூத்திராள் வெறுப்பும் தமிழ் வெறுப்பும் "வேதநெறி தழைத்தோங்க மிகுசைவத்துறை விளங்க பூதபரம்பரை பொலிய" வந்துதித்த ஞானசம்பந்தர் மற்றும் "நற்கருப்பஞ் சாற்றினிலே தேன்கலந்து பால்கலந்து செழுங்கனித் தீஞ்சுவைகலந்து ஊன்கலந்து உயிர்கலந்து தித்திக்கும்"  திருவாசகம் பாடிய மாணிக்கவாசகர் போன்ற பிராமணர்கள் மீதும் காட்டப்படுகிறது. அவர்கள் பெயர்களைப் பிராமணர்கள் தங்கள் குழ ந்தைகளுக்கு வைப்பதில்லை என்பது குறிப்பிடத்தக்கது!

குரு -  " கெஞ்சினால் மிஞ்சுவார்கள் மிஞ்சினால் கெஞ்சுவார்கள்" என்று தொடக்கத்தில் சொன்னாயே? அதற்குரிய விளக்கத்தை இன்னும் நீ சொல்லவில்லையே?

சீடன் - குருவே! அந்த நல்ல செய்தியைச் சொல்கிறேன். தமிழக அரசாணை பிறப்பித்த பின்னர் காவல்துறையின் பாதுகாப்போடு சிதம்பரம் போவிலுக்குப் போன ஓதுவார் ஆறுமுகசாமியையும் அவரது ஆதரவாளர்களையும் தீட்சிதகர்கள் கூடி அம்பலத்தில் ஏறாது தடுத்து விட்டனர். அப்போது நடந்த தள்ளு முள்ளில் காவல்துறையினருக்கும் காயம். காவல்துறை சும்மா விடுமா? 11 தீட்சிதர்களைக் குண்டுக் கட்டாகக் கட்டிக் கொண்டு போய் சிறையில் அடைத்துவிட்டது. ஓதுவார் ஆறுமுகச்சாமி உள்ளிட்ட 46 பேரும் சிறையில் அடைக்கப்பட்டனர். அப்புறம் தொல். திருமாவளவன் ஒரு அறிக்கை விட்டார். கோவில் கட்டியது தமிழ் மன்னர்கள்,  பராந்தகச் சோழன்தான் தில்லைக் கோயில் கருவறையின் மேற்புறத்திற்குப் பொன் வேய்ந்தான், எனவே அந்தக் கோயிலை தமிழக அரசு அரசுடைமை ஆக்க வேண்டும் என்று கேட்டுக் கொண்டார். உடனே தமிழக அரசு அரசாணையை மீறினால் கடும் நடவடிக்கை எடுக்கப்படும் என தீட்சிதர்களை எச்சரித்தது. இதனை அடுத்து ஆறுமுகசாமியும் அவர்களது ஆதரவாளர்களும் விடுவிக்கப்பட்டனர். மீண்டும் அம்பலத்தில் தேவார திருவாசகம் பாடப்போன ஆறுமுகசாமியை மாலை மரயாதையோடு தீட்சிதர்களால் வரவேற்றார்கள். 

குரு - இதனை நீதிமன்றம், காவல்துறை என்று அலையாமல் முதலே அம்பலத்தில் தேவாரம் திருவாசகம் பாட விட்டிருக்கலாமே? 

சீடன் - சரியாகச் சொன்னீர்கள்!  அய்ம்பது அறுபது ஆண்டுகளுக்கு முன்னர் அம்பலத்தில் தேவார திருவாசகம் பாடப்பட்டது. பின்னர்தான் தடை வந்தது. ஆனால் இன்னும் சைவக் கோயில்களில் தமிழ்மொழி வழிவாடு கிடையாது

மடிகட்டிக் கோயிலிலே
மேலுடை இடுப்பினிலே
வரிந்து கட்டிப்
பொடிகட்டி இல்லாது
பூசி யிருகைகட்டிப்
படிகட்டித் தமிழரெனப்
படிக்கட்டின் கீழ் நின்று
கொண்டுதானே உள்ளனர்?

என்ற இழிநிலை தமிழ்மொழிக்கு இந்தக் கணமும் தமிழ்நாட்டிலும் நீடிக்கிறது.   கனடாவிலும் நீடிக்கிறது. தமிழன் கட்டிய கோவில்களில் தமிழில் வழிபாடு செய்யப்  பெரிய போராட்டமே நடத்த வேண்டியிருககிறது. (Muzhakkam - March  07,  2008)

தமிழக அரசு உடனடியாக இந்து அறநிலையத்துறையின்கீழ் கொண்டு வருக

தமிழக அரசிடம் நீண்ட நாள் கோரிக்கையாக ஒரு கோரிக்கையை நாங்கள் கொண்டு வருகின்றோம்.
நம்முடைய நாட்டில் இருக்கின்ற கோயில்களை எல்லாம் மன்னர்கள் கட்டினார்கள் என்பதை படித்திருக்கிறோம்.

சிதம்பரம் கோயில் நம் மன்னர்களால் கட்டப்பட்டதுதான். பராந்தக சோழன்தான் சிதம்பரம் கோயில் கோபுரத்துக்கு பொன் வேய்ந்தான் என்பது வரலாறு. ஆனால் இந்த கோயில் எங்களுக்குத்தான் சொந்தம் என்று சிதம்பரத்தில் உள்ள தீட்சதர்கள் சொந்தம் கொண்டாடியிருக்கின்றார்கள்.

இதுபற்றிய வழக்கு சென்னை உயர்நீதிமன்றத்தில் வந்தது. 1888-லேயே அன்றைய நீதிபதி முத்துசாமி அய்யர், நீதிபதி செப்பேடு ஆகிய இருவர் வரலாற்று முக்கியத்துவம் வாய்ந்த தீர்ப்பை அளித்திருக்கிறார்கள்.
 

அந்தத் தீர்ப்பில் சிதம்பரம் நடராஜர் கோயில் தீட்சதர்களுக்கு சொந்தமானது அல்ல. அது தீட்சதர்களுடைய சொத்தும் அல்ல. அது பொதுக்கோயில் என்று ஆதாரப்பூர்வமாக தீர்ப்பிலே சொல்லியிருக்கின்றார்கள்.
அதுமட்டுமல்ல, 1936-ல் சிதம்பரம் நடராஜர் கோயில் என்பது பொது வழிபாட்டிற்குரிய இடம் என்று இன்னொரு தீர்ப்பிலேயும் சொல்லப்பட்டிருக்கின்றது.

இப்படி பல ஆதாரங்கள் உள்ளன. நான் 1982-ல் சிதம்பரத்தில் பேசிய உரை சிதம்பர ரகசியம் என்று நூலாக வெளிவந்துள்ளது. அதில் விரிவாக ஆதார விளக்கங்களை சொல்லியிருக்கின்றேன். எனவே தமிழக அரசுக்கு ஒரு வேண்டுகோளை வைக்கின்றோம்.

சிதம்பரம் நடராஜர் கோயிலை தமிழக அரசின் இந்து அறநிலையப் பாதுகாப்புத் துறையின் கீழ் உடனடியாகக் கொண்டு வரவேண்டும். சிதம்பரம் நடராஜன் கோயில் என்பது ஒரு பொது சொத்தே தவிர, அது எந்த ஒரு தனிப்பட்ட வர்களுடைய சொத்தும் அல்ல.

தென்னார்காடு மாவட்ட மக்களின் நீண்ட நாள் கோரிக்கையாகும். அந்த கோரிக்கையில் வலிமை இருக்கிறது. நியாயம் இருக்கிறது. முதல் அமைச்சர் கலைஞர் எடுத்த நடவடிக்கையின் காரணமாக அக்கோயிலில் தேவாரம், திருவாசகம் பாட முடிந்தது. அதற்காகக் கலைஞர் அரசைப் பாராட்டுகிறோம். அடுத்த கட்டமாக இந்து அறநிலையத்துறையின்கீழ் அக்கோயிலை கொண்டு வர நடவடிக்கை எடுக்க வேண்டும் என்றும் முதல்வரை கேட்டுக் கொள்கிறோம்.

(7-3-2008 அன்று சென்னை - செய்தியாளர் கூட்டத்தில்
தமிழர் தலைவர் கி. வீரமணி அவர்கள் அளித்த பேட்டி)

சிதம்பரம் தரும் படிப்பினை என்ன?

சிதம்பரம் நடராசர் கோயிலில் தேவாரம், திருவாசகம் பாடுவது குறித்த சர்ச்சை தற்காலிகமாக முடிவுக்கு வந்து இருக்கிறது என்பதுதான் உண்மை.

வருணவெறி ஆதிக்கமும், சமஸ்கிருத வெறியும், தமிழ்மீது கொண்ட வெறுப்புக் கனலும் கொண்ட ஒரு கூட்டம், மானமிகு சுயமரியாதைக்காரரான கலைஞரின் ஆட்சியில் பலத்த அடிவாங்கியிருக்கிறது என்பதில் அய்யமில்லை.

பார்ப்பனர்களைப் பொறுத்தவரை கெஞ்சினால் மிஞ்சுவார்கள், மிஞ்சினால் கெஞ்சுவார்கள் என்பது மீண்டும் நிரூபிக்கப்பட்டுள்ளது.

கடவுளின் அருகில் இருந்து பூஜை, புனஷ்காரங்களைச் செய்யக் கூடியவர்கள் மென்மையானவர்களாக இருப்பார்கள்; பண்பாளர் களாக, பக்குவப்பட்டவர்களாக இருப்பார்கள் என்று அப்பாவித் தனமாக நினைக்கும் மனிதர்கள் சிதம்பரம் நடராஜர் கோயில் அர்ச்சகர்களான தீட்சதர்களையும், அவர்களின் நடவடிக்கை களையும் பார்த்த பிறகாவது, சரியான முடிவுக்கு வருவார்கள் என்று எதிர்பார்க்கலாம்.

வன்முறையில் ஈடுபட்ட தீட்சதர் பார்ப்பனர்களைக் கைது செய்து சிறையில் தள்ளிய பிறகு - தமிழக அரசின் கடுமையான எச்சரிக்கைக்குப் பிறகுதான் இப்பொழுது கீழே இறங்கி வந்துள்ளனர் என்பதைக் கவனமாகத் தெரிந்து வைத்திருக்கவேண்டும்.

சிதம்பரம் கோயில் தீட்சதரும், சிதம்பரம் நகர மன்ற உறுப்பினருமான திரு. சிவராம தீட்சதர் என்ற பார்ப்பனர், இந்து அற நிலையத்துறை ஆணையரின் ஆணையின் மீது நீதிமன்றம் செல்லுவது குறித்து ஆலோசித்துக் கொண்டு இருப்பதாகக் கூறியுள்ளதையும் கவனிக்கவேண்டும்.

இப்பொழுதுகூட என்ன நிலை? திருச்சிற்றம்பல மேடையில் தேவார, திருவாசகம் பாடுவதற்கு முன் கோயில் தீட்சதரின் அனுமதியைப் பெறவேண்டும் என்று கூறப்பட்டுள்ளது. தமிழ் நாட்டுக் கோயிலில், தமிழ்வேந்தர் கட்டிய கோயிலில், பெரும்பாலும் தமிழர்களே சென்று வணங்கும் கோயிலில் அவர்களின் தாய்மொழியான தமிழில் பாடுவதற்கு - சமஸ்கிருதவாதிகளான பார்ப்பன தீட்சதர்களிடம் அனுமதி பெறவேண்டும் என்பது தமிழ் - தமிழர்களின் தன்மான உணர்வுக்கு மரியாதை சேர்ப்பதாக இல்லையே!

ஆறுகால பூஜையை தீட்சதர்கள் முடித்த பிறகு, அனுமதி பெற்று தமிழில் பாடவேண்டும் என்பது கவுரவமாகப் படவில்லையே!

தேவாரம், திருவாசகம் பாடி வணங்குவது, பூஜை, புனஷ்காரம் என்ற வட்டத்துக்குள் அடங்காதா - வராதா? இந்தச் சிந்தனைகள் ஒரு பக்கத்தில் இருக்கத்தான் செய்கின்றன.

கட்டணம் செலுத்தி திருச்சிற்றம்பல மேடையிலிருந்து கடவுளைத் தொழும் பக்தர்கள் புதிய முடிவின்மூலம் அதிருப்தி அடைந்துள்ளதாக தினமணியில் குடிபுகுந்திருக்கும் ஆர்.எஸ்.எஸ். காரர் தம் கருத்தை பொதுமக்கள் என்ற முகமூடி அணிந்து தெரிவித்துள்ளார்.

யார் அந்தப் பொதுமக்கள்? அவர்களுக்குத் தமிழ் தெரியாத மொழியா? தீட்சதர்கள் பயன்படுத்தும் சமஸ்கிருதம் மட்டும்தான் அந்தப் பக்தர்கள் அறிந்த மொழியா?

எப்படி எப்படியெல்லாம் பார்ப்பனர்கள் கீழறுப்பு வேலைகளில் ஈடுபடுகின்றனர்! இதனைப் பக்திப் போதையில் தமிழர்கள் அறிந்துகொள்ள மாட்டார்கள் என்ற அபார நம்பிக்கை என்னும் சக்கரத்தில்தான் ஆரியப் பார்ப்பனர்களின் ஆணவப் பயணம் தொடர்ந்துகொண்டு இருக்கிறது.

தெய்வத் தமிழ் என்றும், கண்ணுதற் பெருங்கடவுளான சிவபெருமானே தமிழ்ச் சங்கக் கூட்டத்தில் அமர்ந்து ஆய்ந்த பசுந்தமிழ் என்றெல்லாம் நம் தமிழ்ப் புலவர்களும், மெய்யன்பர் களும் நெக்குருகிப் பேசுகிறார்களே - இப்பொழுதாவது பார்ப்பனப் பண்பாட்டுப் படையெடுப்பின் கொடூரம் எத்தகையது என்பதை உணர்வார்களா?
தி.மு.க. ஆட்சி 2006 இல் ஆட்சிப் பொறுப்புக்கு வந்த பின், சட்டமன்றத்தில் என்ன அறிவிப்பு கொடுக்கப்பட்டது.
தமிழ்நாட்டுக் கோயில்களில் தமிழிலும் அர்ச்சனை செய்யப்படும் என்று விளம்பரப்படுத்தப்பட்டு இருப்பதுபற்றி பிரச்சினை எழுந்தபோது, அத்தகைய விளம்பரப் பலகைகள் அகற்றப்படும் என்று அறிவிக்கப்பட்டதே! உம் என்பது இழிவு சிறப்பல்லவா?

இந்த நிலைக்குப் பிறகும், சிதம்பரம் நடராசர் கோயிலில் வழிபாடு கூட அல்ல; ஒரு மேடையில் ஏறி தமிழ்ப் பதிகங்களைப் பாடுவ தற்குப் போராடவேண்டியுள்ளது என்பது போற்றத்தக்கதல்ல!
 

தமிழர்களுக்கு மேலும் இன உணர்வும், மொழி உணர்வும், தன்மான உணர்வும் தேவைப்படுகின்றன. தந்தை பெரியார் கொள்கைகளை முழுமையாகத் தமிழர்கள் பற்றிக்கொண்டு செயல்படுவதைத் தவிர இதற்கு நிரந்தரத் தீர்வு கிடையாது - கிடையவே கிடையாது.

மீண்டும் தேவாரம் பாடினார் ஆறுமுகசாமி-தீட்சிதர்கள் மரியாதையை ஏற்க மறுப்பு
வியாழக்கிழமை, மார்ச் 6, 2008  

06-03-2008

சிதம்பரத்தில் ஆடலரசன்  கோவிலை அரசுடைமையாக்க வேண்டும் என்று விடுதலை சிறுத்தைகள் இயக்கத் தலைவர் தொல்.திருமாவளவன் விடுத்த வேண்டுகோளை அடுத்து  தமிழக அரசு   தில்லைத்  தீட்சிதகர்களை  கடுமையாக எச்சரித்தது.  தமிழக அரசு எச்சரிததன் காரணமாகவே தீட்சிதகர்கள் எங்கே முதலுக்கே மோசம் வந்துவிடுமோ என்று பயந்து இப்போது ஆறுமுகசாமி மற்றும் அடியார்களுக்கு மாலைகள் அணிவித்து மரியாதையுடன் திருச்சிற்றம்பலத்திற்குக் கூட்டிச்சென்று தமிழ் மந்திரங்களைப் பாட வைத்துள்ளனர். இதனை எப்போதோ தமிழக அரசு செய்திருக்கலாம். அடுத்ததாக நந்தன் உட்புகுந்த காரணத்தால் தீட்டுப்பட்டு விடடதென்று மூடி வைத்திருக்கும் கோயிலின் ஒன்பதாவது வாசல் தி